Ukrayna Silahlı Qüvvələri eyni vaxtda bir neçə istiqamətdə hücuma keçib.
Modern.az xəbər verir ki, bu barədə Ukrayna müdafiə nazirinin müavini Anna Malyar özünün teleqram kanalında məlumat yayıb.
O qeyd edib ki, əsas hücum istiqamətləri Orexovo-Vasilevka, Baxmut, Boqdanovka, Yaqodni, Klişevka, Kurdyumovkadır.
"Bütün istiqamətlərdə irəliləyiş var. Düşmən Kupyansk, Limansk, Marinsk istiqamətində irəliləməyə cəhd etdi, lakin irəliləyə bilmədi”, - deyə o bildirib.
