“Ümid edirik ki, razılaşmalar yerinə yetiriləcək”.
Modern.az Ermənistan mətbuatına istinadən xəbər verir ki, bunu ölkə parlamentinin vitse-spikeri Ruben Rubinyan Türkiyə ilə sərhəddəki keçid məntəqəsində iş üzrə razılaşma barədə danışarkən deyib.
O, jurnalistlərə açıqlamasında bildirib ki, Ermənistan tərəfinin məntəqənin infrastrukturunun yaxşılaşdırılması üzrə işi tezliklə başa çatacaq:
"Ermənistan ümid edir ki, Türkiyə tərəfi də əldə olunmuş razılaşmaları yerinə yetirəcək".
Vitse-spiker, həmçinin qeyd edib ki, ümumiyyətlə, danışıqlar prosesi dayanmır və lazım gələndə, o, Türkiyənin xüsusi nümayəndəsi ilə əlaqə saxlayır:
"İndi yeni görüşlə bağlı heç bir razılaşma yoxdur və olsa, bu barədə ictimaiyyətə məlumat veriləcək".
