"Cümə günü idi. Bilirsiniz, belə bir xoşbəxt gün keçirirdik, hamımız məzunlar gününü qeyd etməyə hazırlaşırdıq. Təbii ki, mən bu məsələlərlə layiqincə məşğul idim. Bəli, qəfil məlumat gəldi ki, Rusiyada, Rostovda, cənubda nələr baş verir, mən əvvəlcə əhəmiyyət vermədim. Müharibə gedir, orada nə baş verdiyini heç vaxt bilmirsən".
Modern.az Belarusun rəsmi BelTA agentliyinə istinadən bildirir ki, bunu ölkə prezidenti Aleksandr Lukaşenko "Vaqner" üsyanından necə xəbər tutması barədə danışarkən deyib.
"Lakin şənbə günü səhər saat 8-də Rusiyadakı vəziyyətlə bağlı həyəcanlı məlumatlar alırdım. Orada kimsə mənə deyir ki, bu teleqram kanallarında, messencerlərdə nə yazırlar... FTX və bizim Dövlət Təhlükəsizlik Komitəsi, general Tertel vasitəsilə mənə məruzə edildi ki, prezident Putin əlaqə saxlamaq istəyir. Saat 9-un yarısında razılaşdıq ki, onun üçün münasib olan istənilən vaxt danışaq. Saat 10:10-da zəng vurub Rusiyada baş verənlərlə bağlı ən ətraflı şəkildə mənə məlumat verdi”, - o qeyd edib.
"Mən buna qarşı mübarizə də daxil olmaqla bir neçə sual verdim və başa düşdüm ki, vəziyyət mürəkkəbdir. Söhbətin bu hissəsini dəqiqləşdirməyəcəyəm", - deyə Lukaşenko vurğulayıb.
