İyulun 11-12-də Vilnüsdə keçiriləcək NATO sammitində Ukrayna-NATO Şurasının ilk iclası təşkil ediləcək.
Modern.az xəbər verir ki, bu barədə Almaniyanın müdafiə naziri Boris Pistorius bildirib.
Onun sözlərinə görə, Vilnüs sammiti NATO-Ukrayna Şurasının dövlət və hökumət başçıları səviyyəsində ilk iclası olacaq.
Qeyd olunub ki, Ukrayna-NATO Şurası Ukraynanın Alyans daxilindəki proseslərə və strukturlara uyğunlaşması istiqamətində böyük addımdır.
Xatırladaq ki, NATO-Ukrayna Şurası yeni formatdır, məqsədi Ukraynanın siyasi dəstəyini və üzvlüklə bağlı müraciətlərini göstərməkdir.
