Ukrayna ordusu əks-hücum əməliyyatı çərçivəsində irəliləməyə davam edir.
Modern.az xəbər verir ki, bunu Ukrayna Prezidenti Volodimir Zelenski Amerikanın ABC telekanalına müsahibəsində deyib
O bildirib ki, Ukrayna silahlı qüvvələrinin döyüş meydanında əldə etdiyi hər hansı ciddi uğurdan danışmaq hələ tezdir.
“Biz hamımız istərdik ki, əks-hücum əməliyyatı daha qısa müddətdə başa çatsın, lakin bu, reallıqdır, böyük uğurlardan danışmaq hələ tezdir. Biz irəli gedirik. Biz bir yerdə ilişib qalmamışıq”, - deyə Zelenski vurğulayıb.
Onun sözlərinə görə, Ukrayna ordusunun bir sıra sahələrdə irəliləyişindən əminliklə danışmaq olar, lakin bu, kifayət qədər sürətlə deyil.
Zelenski həmçinin qeyd edib ki, Qərb ölkələrinin Kiyevi F-16 qırıcıları ilə təmin etmək qərarının gecikməsi Ukrayna Silahlı Qüvvələrinin əks-hücumunu ləngidən amilə çevrilib.
