Polşa onlarla "Mi-24" döyüş helikopterini Ukraynaya göndərib.
Modern.az "Wall Street Journal"a istinadən xəbər verir ki, Ukraynanın sadiq müttəfiqi olan Polşa bu yaxınlarda Kiyevə sovet istehsalı olan onlarla Mi-24 döyüş helikopteri göndərib.
Polşa Rusiya ilə müharibədə Ukraynaya ən çox dəstək verən ölkələrdən biridir. Varşava Kiyevə hərbi yardım göstərir, həmçinin Ukraynanın NATO-ya dəvətini dəstəkləyir.
O cümlədən, Polşa Ukrayna Hərbi Hava Qüvvələrinə "MiQ-29" təyyarələrini verib. Polşa, həmçinin ukraynalı pilotlara "F-16" qırıcılarını idarə etmək barədə təlim keçməyi planlaşdırır və artıq müvafiq cədvəl tərtib olunub.
