Pakistanda iyunun 25-dən bəri davam edən musson yağışları nəticəsində həyatını itirənlərin sayı 80-ə çatıb.
Modern.az xəbər verir ki, bu barədə ölkənin Milli Fəlakət İdarəetmə Agentliyi (NDMA) məlumat yayıb.
Məlumata görə, Pəncab, Sind və Bəlucistan əyalətlərində son 24 saat ərzində güclü yağışlar nəticəsində 4 nəfər ölüb, 9 nəfər yaralanıb.
Yaralananların ümumi sayı isə 142-yə yüksəlib.
Qeyd edək ki, hər il iyun-sentyabr aylarında yağan musson yağışları Pakistana böyük ziyan vurur. Ötən il musson yağışların səbəb olduğu daşqınlar nəticəsində 1739 nəfər həlak olub.
