Pakistanın Bəlucistan əyalətində hərbi mərkəzə hücum edilib.
Modern.az xəbər verir ki, bu gün səhər saatlarında baş vermiş hadisə nəticəsində dörd əsgər həlak olub, daha beş nəfər yaralanıb.
Hücuma görə məsuliyyəti yeni yaradılmış “Təhrik-i-Cihad Pakistan” qruplaşması üzərinə götürüb.
Məlumata görə, silahlılar mərkəzin ərazisinə daxil olmağa çalışsalar da, mühafizəçilər onları içəri buraxmayıb. Bundan sonra şiddətli atışma başlayıb. Silahlı şəxslərdən üçü mühasirəyə alınaraq öldürülüb, hərbçilər daha iki nəfəri axtarır.
Atışma zamanı təsadüfən yol keçən bir nəfər də ölüb, bir neçə mülki şəxs isə yaralanıb.
