Rusiya Federal Təhlükəsizlik Xidməti (FTX) “RT" telekanalının baş redaktoru Marqarita Simonyan və jurnalist Kseniya Sobçaka qarşı planlaşdırılan sui-qəsdin qarşısını alıb.
Modern.az TASS agentliyinə istinadən xəbər verir ki, bu barədə məlumatı Rusiya FTX yayıb.
Bildirilib ki, iyulun 14-də Moskva və Ryazan vilayətində kəşfiyyat aparan "Paraqraf-88" neonasist qruplaşmasının üzvləri saxlanılıb.
"Həmin şəxslər Ukrayna Təhlükəsizlik Xidmətinin tapşırığı ilə hərəkət ediblər. Onlar hər qətlə görə 1,5 milyon rubl mükafat alacaqlarını təsdiqləyiblər", - deyə FTX-nin yaydığı məlumatda qeyd olunub.
