Azərbaycan-Kipr Dostluq Cəmiyyəti "Tələbədən-tələbəyə" adlı yeni bir layihəni həyata keçirəcək. Cəmiyyətin İdarə Heyətinin üzvü və layihənin rəhbəri Cəfər Mənsiminin Modern.az-a verdiyi məlumata görə, bu layihə öncə Şimali Kipr Türk Cümhuriyyətinin universitetlərində təhsil alan tələbələri əhatə edəcək. 
Layihə rəhbərinin sözlərinə görə, 98 fərqli ölkədən 50 minə yaxın tələbə bu layihəyə qoşularaq bir-birlərinə dəstək olmaq şansı qazanacaqlar. Belə ki, bu layihəyədə iştirak edən tələbələr istədikləri vaxt layihə icraçıları tərəfindən açılan bank hesabına müəyyən məbləğ yatıracaqlar. Bununla da onlar bir-birlərinə, xüsusi ilə də imkansız tələbələrə yardım etmiş olacaqlar. Əldə edilən məbləğ imkansız tələbələrin təhsil haqqının ödənilməsinə, yataqxana, yemək kimi xərclərin qarşılanmasına ayrılacaq. Eyni zamanda xaricdə təşkil olunan müxtəlif proqramlara, seminar və konfranslara qatıla bilməyən tələbələrə yardım ediləcək.
