Rusiyanın paytaxtının yerləşdiyi Moskva vilayətinə pilotsuz uçuş aparatları (PUA) ilə hücum edilib.
Modern.az xəbər verir ki, bu barədə Rusiya Müdafiə Nazirliyi məlumat yayıb.
Nazirlik Moskva vilayəti ərazisi üzərində iki PUA-nın zərərsizləşdirildiyini bildirib. Məlumata görə, xəsarət alan olmayıb.
Moskva meri Sergey Sobyanin də Domodedovo və Minsk şossesi yaxınlığında iki PUA-nın vurulduğunu vurulduğunu bildirib.
Rusiya hücuma görə Ukraynanı ittiham edib. Kiyev hücumla bağlı heç bir açıqlama verməyib.
Xatırladaq ki, sonuncu dəfə Moskva vilayətində avqustun 6-da dronlarla hücum edilib.
