Ermənistanın keçmiş yüksək rütbəli polis zabitləri təxminən 50 milyon dram (128.8 min dollar) mənimsəməkdə ittiham olunur.
Modern.az "Sputnik Armenia"ya istinadən xəbər verir ki, bu barədə Antikorrupsiya Komitəsi məlumat yayıb.
Hüquq-mühafizə orqanlarının məlumatına görə, Ermənistan Polisinin Dövlət Təhlükəsizlik İdarəsinin Armavir şöbəsinin rəisi X.A. 2013-2018-ci illərdə müxtəlif obyektlərin mühafizəsi üçün 42 hüquqi və fiziki şəxslə müqavilə bağlayıb.
Bu müddət ərzində növbə ilə polisin Baş Dövlət Mühafizə İdarəsinin rəisi vəzifəsini tutan 3 nəfər obyektlərin mühafizəsi üçün ödənilən vəsaitin bir hissəsinin onlara köçürülməsi barədə göstəriş verib. HA. pul vəsaitlərini polisin büdcədənkənar hesabına köçürmək əvəzinə adıçəkilən şəxslərə köçürüb.
Hazırda araşdırmalar davam edir.
