"Atalanta"nın futbolçusu Merih Demiral "Əl-Əhli"yə transfer olunub.
Modern.az xəbər verir ki, bu barədə Səudiyyə Ərəbistanı klubunun saytı məlumat yayıb. Bu transfer üçün 20 milyon avro təzminat ödənilib.
Türkiyə millisinin müdafiəçisi 2022-ci ildən "Atalanta"da oynayırdı.
Qeyd edək ki, "Əl-Əhli" bu yay Roberto Firmino, Riyad Mahrez, Allan Sent-Maksimen, Rojer İbanez,Frank Kessye və Eduard Mendi kimi tanınmış futbolçuları heyətinə qatıb.
