Pentaqon sentyabrda ABŞ-da ukraynalı pilotlara F-16 təlimlərinə başlayacaq.
Modern.az xəbər verir ki, bu barədə “The New York Times” nəşri ABŞ hakimiyyətinin nümayəndəsinə istinadən yazıb.
Pentaqonun sözçüsü general Patrik Rayder ABŞ-ın yaxın vaxtlarda ukraynalı pilotların F-16 döyüş təyyarələrində təlim proqramına qoşulacağını təsdiqləyib.
O qeyd edib ki, ABŞ-da təlim keçəcək ukraynalıların dəqiq sayı hələlik məlum deyil, lakin orada bir neçə pilot və onlarla hərbi qulluqçu olacağı gözlənilir.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
