Beynəlxalq Qızıl Xaç Komitəsi (BQXK) ilə əldə olunan razılığa əsasən sentyabrın 18-də səhər saatlarında Ağdam-Xankəndi yolunda komitəyə məxsus avtomobillərin keçidi təmin olunub.
Modern.az xəbər verir ki, BQXK-nın iki minik və bir yük avtomobili Ağdam-Xankəndi yolu ilə Rusiya sülhməramlı kontingentinin müvəqqəti yerləşdiyi Azərbaycan ərazilərinə gedib. Aparılan yükün Qarabağda yaşayan erməni əsilli şəxslərə çatdırılması nəzərdə tutulur.
Xatırladaq ki, sentyabrın 12-də Rusiya Qırmızı Xaç Cəmiyyətinin göndərdiyi humanitar yük avtomobilinin də Ağdam-Xankəndi yolu ilə keçidi təmin edilmişdi.
***
07:01
Beynəlxalq Qırmızı Xaç Komitəsinin (BQXK) avtomobilləri Ağdam-Xankəndi yolundadır.
Modern.az xəbər verir ki, BQXK ilə əldə edilmiş razılığa uyğun olaraq, komitənin bir yük və iki minik avtomobilinin Ağdam-Xankəndi yolu ilə keçidi nəzərdə tutulur.
Avtomobillərdə aparılan yük Qarabağda yaşayan erməni əsilli şəxslərə çatdırılacaq.
