Modern.az

Finiş xəttinə yaxınlaşırıq - ZELENSKİ

Finiş xəttinə yaxınlaşırıq - ZELENSKİ

20 Sentyabr 2023, 12:00

"Ukrayna uzun mənzilli ATACMS raketlərini almaq üçün finiş xəttinə yaxınlaşıb".

 

Modern.az xəbər verir ki, bunu Ukrayna prezidenti Volodimir Zelenski CNN telekanalına müsahibəsində deyib.

 

O, Ukraynanın ABŞ-dan uzaqmənzilli raketlər almaq istəyini təsdiqləyib: "Hazırda onların tədarükü ABŞ lideri Bayden tərəfindən nəzərdən keçirilir".

 

"Biz finiş xəttindəyik, əminəm. Əgər onları əldə etməsək, bu, Ukrayna üçün itki olacaq", - dövlət başçısı bildirib.

 

Zelenski əlavə edib ki, bu, "döyüş meydanında və başqa yerlərdə itkilərə" səbəb ola bilər. Prezident həmçinin Ukraynanın daha çox hava hücumundan müdafiə sistemlərinə, xüsusilə "Patriot"a ehtiyacı olduğunu təkrar edərək, onların mülki əraziləri qorumaq üçün lazım olduğunu vurğulayıb.

 

Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.

Whatsapp
Bizə yazın!
Keçid et
Ukraynadan 24 saatlıq əməliyyat: 880 rus əsgəri məhv edildi