Müəllimlərin işə qəbulu üzrə imtahanların və müsahibənin nəticələrinə görə boş qalan vakant yerlərə əlavə yerləşdirmə üçün ərizə qəbuluna başlanıb. Modern.az Təhsil Nazirliyinə istinadən bildirir ki, əlavə yerləşdirmədə iştirak etmək üçün keçid balını toplayıb, lakin işə qəbul olunmamış namizədlər şəxsi səhifələrinə daxil olmaqla boş qalan yerlər haqqında məlumatla tanış olur, ixtisası üzrə ən çoxu 4 vakant yer seçir və seçimini təsdiqləyir.
Boş qalan vakant yerlərin seçilməsi prosesi bu gün saat 10.00-da başlanır və avqustun 21-i saat 18.00-da başa çatdırılır. Əlavə yerləşdirmə avqustun 21-də saat 19.00-da aparılacaq və nəticələr dərhal namizədlərin şəxsi səhifələrinə göndəriləcək. Əlavə yerləşdirmə nəticəsində vakant yerləri tutanlar üçün avqustun 23-də müsahibə keçiriləcək.
