Modern.az

Ermənipərəst senator rüşvət alıbmış - Evindən qızıl külçələri çıxdı

Ermənipərəst senator rüşvət alıbmış - Evindən qızıl külçələri çıxdı

Dünya

23 Sentyabr 2023, 00:52

ABŞ prokurorları ermənipərəst senator Bob Menendez və həyat yoldaşını üç iş adamından rüşvət almaqda ittiham edib.

 

Modern.az xəbər verir ki, bu barədə "Reuters" agentliyi məlumat yayıb.

 

Bildirilir ki, 69 yaşlı Menendez Nyu Cersi ştatının baş senatoru kimi səlahiyyət və nüfuzundan Misir hökumətinə fayda vermək və hüquq-mühafizə orqanlarının cinayət işi üzrə araşdırmalarına müdaxilə etmək müqabilində yüz minlərlə dollar dəyərində nağd pul və qızıl külçələr qəbul edib.

 

Onun evində 480 min dollardan çox nağd pul və qızıl külçələri tapıldığı bildirilir.

 

Prokurorlar Nyu-Cersidəki ev, 2019-cu ildə istehsal olunmuş "Mercedes-Benz" avtomobili və təxminən 566 min dollarlıq nağd pul, qızıl külçələri və bank hesabından pul vəsaitləri daxil olmaqla Menendesin aktivlərinin müsadirə edilməsini istəyirlər.

Telegram
Hadisələri anında izləyin!
Keçid et
Ukraynadan 24 saatlıq əməliyyat: 880 rus əsgəri məhv edildi