Təhsil İnstitutuna direktor səlahiyyətlərini icra edən şəxs təyin edilib.
Elm və Təhsil Nazirliyindən Modern.az-a bildirilib ki, bu vəzifə Elnur Əliyevə həvalə edilib.
Qeyd edək ki, Elnur Əliyev Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri vəzifəsində də çalışır.
Xatırladaq ki, institutun bundan əvvəlki direktoru Rüfət Əzizov Prezident İlham Əliyevin müvafiq sərəncamı ilə Sumqayıt Dövlət Universitetinə rektor təyin olunub.
