“Özünüzə əziyyət verməyin, gedin işinizlə məşğul olun”
Milli Şuranın aparıcı liderlərindən olan eks-spiker Rəsul Quliyev ötən gün mətbuatda onun adından dərc olunan sensassion bəyanatdan danışıb. Modern.az-ın məlumatına görə, R.Quliyev təkzib edərək bəyanat vermədiyini, müxalifət liderləri barədə aşağılayıcı fikrilər səsləndirmədiyini deyib.
ACP lideri okrtabyın 10-a kimi Milli Şuradan heç kimin adını çəkmək niyyətində olmadığını da dilə gətirib.
“Milli Şuranın 19 avqust iclası ilə əlaqədar fikirlərimi elə bu gün facebookumda yazmışam və minlərlə insanlar tanış olub. Lavrova yazılmış 'məktuba' oxşar bu yeni müraciətin çap olunması,yayılması vasitəsilə bu ucuz və cırtdan beyinli adamlar kəşfləri ilə Milli Şuraya zərbə vurmaq və şəxsi ədavəti qızışdırmaq istəyirlər. Bu adamların nəzərinə çatdırıram. Onların yazdığı tipli heç bir ' əsərin' müəllifi deyiləm. Orda adları keçənlərin adlarını son 20 gündə bir dəfədə çəkməmişəm o cümlədən İsa Qəmbərin. Oktyabr ayının 10-na qədər heç vaxtda heç bir adı hallandırmaq fikrində deyiləm. Özünüzə əziyyət verməyin gedin işinizlə məşğul olun. Ancaq bir daha qeyd etmək istəyirəm ki, mən heç bir gücü olmayan, camaatın tanımadığı ehtiyat variantın əleyhinəyəm, çünki bu cüzi ümidlərində üzərindən xətt çəkir. Fikrimcə Rüstəm İbrahimbəyovun təklifi ideal variantdır. Bu gün nisbətən potensialı olan İsa Qəmbər, Əli Kərimli, Lalə xanım Hacıyeva, Mirmahmud Fəttayev, Eldar Namazov, Sülhəddin Əkbər öz istəkləri və partiyalarının qərarları əsasında namizədliklərini irəli sürə bilərlər. Əgər İbrahimbəyovun qarşısında bizim keçə bilməyəcəyimiz sədd qoyulsa Milli Şura qeydiyyatdan keçmiş bu şəxslərin birini vahid namizəd kimi qəbul edə bilər. Ancaq bu ümidin itrilməməsi deməkdir”-deyə R.Quliyev açıqlama verib.
R.Quliyevin adından yayılan qalmaqallı bəyanatı təqdim edirik:
Anar RÜSTƏMOV
