“Milli Şura prezident seçkilərində vahid namizədlə çıxış edə biləcək”. Modern.az xəbər verir ki bunu AXCP sədrinin müavini Razi Nurullayev bildirib. O vaxt itkisinin olduğunu söyləsə də, optimist proqnozlar verib.
“Tarixdə elə hallar olub ki, bir gün, hətta bir saat belə tarixi kökündən dəyişdirə bilib. Bu gün də pessimist olmağa dəyməz”.
R. Nurullayev AXCP ilə Müsavat Partiyası arasında qalmaqalla bağlı məsələyə aydınlıq gətirib. AXCP rəsmisi qeyd edib ki, hər iki siyasi qurum daha sıx inteqrasiya etməli və mövqelərini daha da yaxınlaşdırmalıdır.
“Xalq Cəbhəsi və Müsavat hər cəhətdən bir-birinə yaxın partiyalardır və bir-birini hər zaman tamamlayıblar. Milli Şuranın prezident seçkilərinə vahid namizədlə getməsi, AXCP və Müsavatın bir-birinə daha sıx qucaq açması zəruridir!”
Aqşin Kərimov
