Modern.az

Füzulidə yeni yol istifadəyə verildi

Füzulidə yeni yol istifadəyə verildi

21 Avqust 2013, 11:04

Bu gün Füzuli rayonunun Babı-Əhmədalılar-Mirzənağılı avtomobil yolunun yenidən çəkilmiş Yuxarı Mollaməhərrəmli-Əhmədalılar-Qazaxlar-Mirzənağılı kəndlərini birləşdirən 7,8 kilometrlik hissəsi əsaslı təmirdən sonra istifadəyə verilib. Açılış mərasimində rayonun idarə, müəssisə, təşkilat rəhbərləri, yerli icra nümayəndələri, bələdiyyələr, ziyalılar və sözügedən kənd ictimaiyyətindən ümumilikdə 350 nəfər iştirak edib. Rayon İcra Hakimiyyətinin başçısı Alı Alıyev əlamətdar gün münasibətilə tədbir iştirakçılarını təbrik edib.
Alı Alıyev bildirib ki, bu gün respublikada rayon mərkəzlərinin və kəndarası yollar abadlaşdırılır, avtomobil yollarının təmiri və yenidən qurulması istiqamətində ardıcıl iş aparılır. Bu proses Füzuli rayonunda da geniş vüsət alıb. Açılış mərasimində çıxış edən kənd ağsaqqalları, ziyalılar Prezident İlham Əliyevin regionlara, o cümlədən Füzuliyə xüsusi diqqət və qayğısını qeyd ediblər. Son illər rayonda aparılan böyük abadlıq –quruculuq işlərini bunun bariz nümunəsi kimi səciyyələndiriblər.
Sonra Yuxarı Mollaməhərrəmli- Əhmədalılar - Qazaxlar- Mirzənağılı kəndlərini birləşdirən 15000 əhalinin istifadə edəcəyi 7,8 kilometrlik yol kənd sakinlərinin ixtiyarına verilib.




Modern.az

   
Youtube
Kanalımıza abunə olmağı unutmayın!
Keçid et
Rusiyadan hücum - Bu dəfə Türkiyəni vurdular