“Bacarıqlı Əllər Dünyası” İctimai Birliyi 5 yaşını qeyd edib. Beş il öncə rəsmi qeydiyyatdan keçən “Bacarıqlı Əllər Dünyası” bu müddət ərzində Azərbaycan mədəniyyətinin inkişafı, yaddan çıxmaqda olan əl işlərinin, mədəniyyət incilərinin təbliği, bərpası, bugünkü və gələcək nəsillərə çatdırılması ilə bağlı bir sıra layihələr həyata keçirib. Birliyin sədri Azadə Məmmədova Modern.az-a əldə etdikləri naliyyətlərdən danışıb.
O, bildirib ki, İB-in üzvləri əl işlərinin öyrənilməsi və təbliği ilə bağlı respublikanın rayonlarında olublar. Onlar əhali ilə görüşüb, xeyli materiallar toplayıb və maraqlı əl işlərini öyrəniblər. Şirvanşahlar sarayında “Gözəllik”, “Azərbaycan xatınları”, “Azərbaycanı dünyaya tanıdaq”, “Gələcəyin sənətkarları” və s layihələr həyata keçirilib. Layihələr Bakıda, Şamaxıda, İsmayıllıda, Şəkidə, Qubada və başqa rayonlarda həyata reallaşdırılıb. İB Azərbaycan mədəniyyətini daha geniş təbliğ etmək üçün bröşürlər, kitablar çap etdirib, istedadlı yeniyetmələri cəmiyyətdə tanıtmaq məqsədi ilə yeni layihələr hazırlayıb.
