“Azərbaycanda keçiriləcək prezident seçkilərində müşahidəçi qismində iştirak etmək üçün Mərkəzi Seçki Komissiyası əməkdaşlıq etdiyi xarici dövlətlərin MSK-larına dəvət göndərib”. Bunu Modern.az-a açıqlamasında MSK-nın media və ictimai əlaqələr şöbəsinin müdiri Azər Sarıyev bildirib.
MSK rəsmisi qeyd edib ki, müraciət bütün MDB ölkələrinə göndərilib. “Bununla yanaşı, Latviya, Litva və Gürcüstana da müraciət göndərmişik. Həmçinin Avropa Seçki Rəsmiləri Assosiasiyasına da dəvət yollanıb”, – deyən A.Sarıyev əlavə edib ki, bu vaxta qədər MSK-nın xarici ölkələrin eyni funksiyanı yerinə yetirən qurumlarına müraciəti müsbət qarşılanıb.
“İndiyə kimi heç bir problem olmayıb və bundan sonra da olmayacaq”-deyə o, qeyd edib.
Aqşin KƏRİMOV
