Bakıda Beynəlxalq Astronavtika Federasiyasının (IAF) Nazirlər və parlament üzvləri üçün (MMOP) 13-cü beynəlxalq konfrans keçirilir.
Modern.az xəbər verir ki, konfrans “Kosmik həllərin siyasi gündəmə daxil edilməsi – siyasətçilər üçün vacibdir” mövzusunda keçirilir.
Milli Məclisim ev sahibliyi etdiyi iclasda Beynəlxalq Astronavtika Federasiyasının prezidenti Kley Mouri və digər şəxslər iştirak edirlər.
Tədbir iştirakçıları 3 panel mövzuda müzakirələr aparacaqlar. Birinci panel “İctimai xidmətlərin təkmilləşdirilməsində kosmik həllər”, ikinci panel “Fəlakətlər və risk üçün kosmik həllər”, üçüncü panel isə “Resursların idarə edilməsində kosmik həllər” adlanır.
