Mərkəzi Seçki Komissiyası prezident seçkilərində ödənişli əsaslarla təbliğat-təşviqat materialları yerləşdirəcək KİV-lərin yeni siyahısını açıqlayıb.
Modern.az saytı xəbər verir ki, siyahıya bu qəzetlər daxildir: “Səs”, “İki sahil”, “Kaspi”, “Azərbaycan”, “Reytinq”, “Bizim Yol”.
Agentliklər sırasına isə "Səs" İnformasiya Agentliyi (SİA) və APA, MİA (Müstəqil İnformasiya Agentliyi), Avrasiya İnformasiya Agentliyi daxil edilib. MSK-da qeydiyyatdan keçmiş televiziya və radiolar hələlik “Visiontv.az” internet yayımçısı ilə məhdudlaşır.
Xatırladaq ki, ödənişli təbliğat aparacaq KİV-lərin MSK-da qeydiyyatı sentyabrın 9-da başa çatır.
Modern.az
