Azərbaycan Respublikası Prezidentinin sərəncamı məcburi köçkünlərə yemək xərci üçün verilən aylıq müavinətin artırılması haqqında sərəncam imzalayıb.
Modern.az-ın xəbərinə görə, sərəncamda deyilir: “Prezident Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, məcburi köçkünlərin sosial müdafiəsini gücləndirmək məqsədilə qərara alıb ki, məcburi köçkünlərə yemək xərci üçün verilən aylıq müavinətin artırılması haqqında" Azərbaycan Respublikası Prezidentinin 2011-ci il 23 dekabr tarixli 1926 nömrəli Sərəncamının 1-ci hissəsi ilə müəyyən edilmiş aylıq müavinətin məbləği 2013-cü il sentyabrın 1-dən 10 faiz artırılsın.
Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin”.
Qeyd edək ki, indiyədək hər bir məcburi köçkünə aylıq müavinət olaraq 16 manat 50 qəpik verilirdi. Beləliklə bu artım nəticəsində hər bir köçkünün "çörəkpulu" 1 manat 65 qəpik artıb. Sentyabrdan sonra köçkünlər aylıq olaraq adambaşına 18 manat 15 qəpik "çörəkpulu" alacaqlar.
