Milli Şuranın sessiyasını vaxtı üç gün qabağa çəkilərək, avqustun 23-nə təyin olunub. Bu barədə musavat.com-a Milli Şuranın rəhbərliyindəki mənbə xəbər verib. "EL" hərəkatının sədri Eldar Namazov xəbərin doğruluğunu təsdiqləyib.
E.Namazov əməkdaşımıza bildirib ki, bu gün o, gənclər təşkilatlarının sədrləri və Milli Şuranın komissiyalarının rəhbərləri ilə görüşüb. Görüşdə onlar MŞ-nin sessiyasının tezləşdirilməsini israrla xahiş ediblər. o da öz növbəsində bu barədə Milli Şuranın təsisçisi olan 6 partiyanın liderləri ilə məsləhətləşib.
Beləliklə, MŞ-nin növbəti sessiyasının sabah saat 16 da, Müsavat Partiyasınını qərargahında keçirilməsinə dair razılıq əldə olunub.
Onu xüsusi olaraq yada salırıq ki, bu gün Milli Şuranın 16 tanınmış üzvü xüsusi bəyanatla çıxış edib. Onlar məhz sessiyanın gecikdirilməsinə etiraz edirdilər.
Qeyd edək ki, bu sessiyada Milli Şuranın prezidentliyə yeni vahid namizədi razılaşdırılmalıdır.
Modern.az
