Ermənistanın Baş naziri Nikol Paşinyan oktyabrın 4-də imzaladığı qərarla Kristina Qriqoryanı Xarici Kəşfiyyat Xidmətinin rəhbəri təyin edib.
K.Qriqoryan bu təyinatadək Ermənistanın Ombudsmanı vəzifəsində işləyib. O, bu il yanvarın 24-də Ombudsman vəzifəsindən istefa vermişdi.
Modern.az Ermənistan KİV-nə istinadən xəbər verir ki, Kristina Qriqoryan 1981-ci ildə Sevan şəhərində anadan olub.
K.Qriqoryan 12 ildən artıq müddətdə dövlət orqanlarında – Ermənistan parlamentinin Aparatında, Ədliyyə Nazirliyində, baş nazirin birinci müavininin Aparatında çalışıb.
2016-2017-ci illərdə Avropa Şurasında insan hüquqları üzrə milli ekspert vəzifəsində işləyib.
O, 2019-cu ilin iyulunda Ermənistan ədliyyə nazirinin müavini vəzifəsinə, 2019-cu ilin aprelində isə ədliyyə nazirinin birinci müavini təyin edilib.
K.Qriqoryan 2022-ci il yanvarın 24-də parlamentdə keçirilən səsvermənin nəticələrinə əsasən Ermənistanın Ombudsmanı seçilmişdi. Bir il bu vəzifədə çalışdıqdan sonra istefa vermişdi.
Kristina Qriqoryan Baş nazir Nikol Paşinyana ən sadiq kadrlardan sayılır.
A.Qorxmaz
