“Bu gün Köçəryan-Sərkisyan klanı Ermənistanı da işğal edib”. Modern.az-ın məlumatına görə, bunu Cəbrayıl rayonunun işğalının 20-ci ildönümündə iştirak edən Cəbrayıl rayonunun icra başçısı Mahmud Quliyev deyib. Çıxışı zamanı 3 tezis irəli sürən Mahmud Quliyev bildirib:
“Azərbaycan torpaqlarının işğal edilməsi ermənilərə baha başa gələcək. Azərbaycanın güclü ordusu var və Ermənistan xalqı anlayır ki, Köçəryan-Sərkisyan klanı torpaqları azad etməsə, nəticə ürəkaçan olmayacaq. Bundan təbii ki, erməni xalqı zərər çəkəcək. Ona görə də erməni xalqı bu məsələdən dərs götürməlidir”.
M. Quliyev cəbrayıllılar adından erməni xalqına müraciət edib. O, erməni xalqını Köçəryan-Sərkisyan klanına qarşı mübarizə aparmağa səsləyib.
