Milli Şuranın alternativ namizədi Cəmil Həsənlinin təşəbbüs qrupu yaradılıb. Bu barədə Modern.az saytına Milli Şuranın üzvü Vəfa Cümşüdlü bildirib.
V.Cümşüdlünün sözlərinə görə, Müsavat başqanının müavini Gülağa Aslanlı təşəbbüs qrupunun səlahiyyətli nümayəndəsi seçilib.
“Bu gün Milli Şuranın iclasından sonra Cəmil Həsənlinin namizədliyinin irəli sürülməsi ilə əlaqədar olaraq Müsavat Partiyasının qərargahında təşəbbüs qrupunun iclası oldu.Cəmil Həsənlinin yekdilliklə namizədliyi irəli sürüldü. Gülağa Aslanlı Cəmil Həsənlinin MSK-da səlahiyyətli nümayəndəsi seçildi. Sabah sənədlərin MSK-ya təqdim olunması nəzərdə tutulur.”-deyə Milli Şura üzvü vurğulayıb.
Anar RÜSTƏMOV
