Xəbər verdiyimiz kimi, Milli Şuranın prezidentliyə yeni ehtiyat namizədi Cəmil Həsənlinin sənədlərinin MSK-ya bu gün təqdim olunacağı gözlənilir. Təşəbbüs qrupun nümayəndəsi Gülağa Aslanlı ilə əlaqə saxlayaraq, sənədlərin təqdim edilib-edilmədiyini soruşduq.
Milli Şura üzvü
Modern.az-a açıqlamasında sənədləri təqdim etmək üçün MSK-dan heç kimi tapa bilmədiklərini deyib: “Bu gün səhər açılandan bir neçə dəfə Mərkəzi Seçki Komissiyası (MSK) ilə əlaqə saxlamışıq. Ümumi şöbədən heç kimi tapa bilmirik ki, sənədləri aparıb təqdim edək. İndi sənədləri notariusda təsdiq etdirib, gün ərzində mütləq təqdim edəcəyik”.
Anar RÜSTƏMOV
