Tələbə Qəbulu üzrə Dövlət Komissiyası tərəfdən 2013/2014-cü tədris ili üçün ümumi orta təhsil bazasında (9 illik) orta ixtisas təhsili müəssisələrinə qəbul imtahanı keçirilir.
Komissiyanın mətbuat xidmətindən Modern.az-a verilən məlumata görə, müsabiqədə iştirak etmək üçün 39551 abituriyent ərizə təqdim edib. Qəbul imtahanı mərkəzləşmiş qaydada Respublikanın 14 şəhərində - Bakı, Naxçıvan, Gəncə, Sumqayıt, Mingəçevir, Şəki, Ağcabədi, Göyçay, Şirvan, Salyan, Lənkəran, Masallı, Tovuz və Xaçmazda keçiriləcəkdir. İmtahanın keçirilməsi üçün ümumilikdə 71 imtahan mərkəzi, 351 imtahan rəhbəri, 3314 nəzarətçi-müəllim ayrılıb. İmtahan bütün binalarda eyni vaxtda - saat 11:00 -da başlayıb. İmtahanda iştirak etmək üçün abituriyentlər “İmtahana buraxılış vərəqəsi”ni avqustun 19-dan etibarən TQDK-nın internet saytına daxil olaraq çap edə bilirlər.Bakı şəhərində 11961, Naxçıvanda 1892, Gəncədə 3429, Tovuzda 1766, Sumqayıtda 2448, Mingəçevirdə 2417, Şəkidə 2064, Ağcabədidə 1537, Göyçayda 2119, Şirvan 2625, Salyanda 1634, Lənkəranda 1656, Masallıda 1534, Xaçmazda isə 2469 abituriyentin imtahan verdiyi bildirilir.
Modern.az
