Açıq Cəmiyyət Partiyasınin avqustun 26-da Milli Şuradan çıxacağı haqda virtualaz.org-un yaydığı məlumata ACP sədri Sülhəddin Əkbər münasibət bildirib. O, musavat.com-a açılamasında deyib ki, Açıq Cəmiyyət Partiyasında Milli Şuradan çıxmaqla bağlı heç bir müzakirə aparılmayıb: “Bizim belə bir qərarımızın olması barədə yayılan məlumat həqiqəti əks etdirmir. Biz ACP olaraq Milli Şuranın ikinci vahid namizədi seçilərkən tamam başqa mövqe tutduq. Yəni Cəmil Həsənlinin namizəd seçilməsi prosedurunda onun leyhinə səs vermədik. Amma bu, bizim partiyanın Milli Şuradan çıxması anlamına gəlməməlidir. Demokratik düşərgə rahat olsun, ACP Milli Şuradan çıxmayacaq”.
Qeyd edək ki virtualaz.org saytı bu məlumatı sabiq deputat, ACP Ali Məclisinin sədri, Milli Şuranın üzvü Zəminə Dünyamalıyevaya istinadən yaydığını qeyd edib.
Modern.az
