Milli Şura yenidən ümumrespublika aksiyalarına hazırlaşır. Bunu Modern.az saytına açıqlamasında Milli Şuranın müsavatçı üzvü Gülağa Aslanlı bildirib. Onun sözlərinə görə, etiraz aksiyaları Cəmil Həsənlinin namizədliyi qeydə alınandan sonra silsilə şəkildə davam edəcək:
“Seçki kampamiyası dövründə mitinqlər keçiriləcək. Hazırda namizədin qeydə alınması ilə məşğuluq. Bu məsələləri həll etdikdən sonra yenidən izdihamlı etiraz aksiyalarını davam etdirəcəyik”.
G.Aslanlının fikrincə, etirazlar bölgələr üzrə də təşkil olunacaq.
Qeyd edək ki, Milli Şura indiyədək cəmi bir dəfə avqustun 18-də etiraz aksiyası keçirib. İcazəsiz aksiyalardan imtina edən MŞ meriyanın tövsiyyəsi ilə ilk mitinqini “20-ci sahə”də keçirib.
Anar RÜSTƏMOV
