Dağlıq Qarabağdakı separatçı rejimə daha bir dəstək səfəri gerçəkləşib. Modern.az erməni KİV-nə istinadən xəbər verir ki, bu dəfə Rusiyadakı “Opora” qeyri-hökumət təşkilatının rəhbərliyi işğal altında olan Azərbaycan torpaqlarına səfər edib. Təşkilatın vitse-prezidenti Pavel Siqal separatçı rejimin “hakimiyyət nümayəndələri” və sahibkarlarla görüş keçirib.
QHT rəsmisi qeyd edib ki, işğal altında olan bu bölgəyə inkişaf proqramı təqdim etməyi planlaşdırır. Planın kiçik və orta sahibkarlığın inkişafına yönələcəyi vurğulanıb.
