Modern.az

HƏMAS-ın hücumunda Şimali Koreya izi...

HƏMAS-ın hücumunda Şimali Koreya izi...

17 Oktyabr 2023, 17:42

Şimali Koreyanın silah ticarətində HƏMAS terror qruplaşması ilə əlaqəsi var və qruplaşma üzləri İsrailə hücuma hazırlaşarkən sözügedən ölkə ilə bir sıra hərbi məsələlərdə qarşılıqlı əlaqədə ola bilər.

 

Modern.az xəbər verir ki, bu barədə "Yonhap" agentliyi Cənubi Koreyanın Birləşmiş Qərargah Rəisləri Komitəsinin yüksək rütbəli zabitinə istinadən məlumat yayıb.

 

Oktyabrın 7-də HƏMAS-ın misli görünməmiş hücumlarını qiymətləndirən ekspertlər belə qənaətə gəliblər ki, onlar İsrailin "gözlərini yumdular", hücum barədə erkən xəbərdarlıq edən sistemi iflic etdilər, 5000-dən çox raket atdılar və paraplanlarla İsrail sərhədini pozdular.

 

Komitə həmçinin silahlı HƏMAS yaraqlılarının videolarını təhlil edib və yalnız KXDR-də istehsal olunan silahları müəyyən edib. Bunlar F-7 qumbaraatan üçün yüksək partlayıcı parçalanma mərmiləri, Sovet RPG-7-nin Şimali Koreya nüsxəsi və Şimali Koreya ordusunun Cənuba artilleriya zərbələri üçün istifadə etdiyi "Bang-122" işarəsi olan 122 mm-lik artilleriya mərmiləridir.

Youtube
Kanalımıza abunə olmağı unutmayın!
Keçid et
TƏCİLİ! Bayrağımız Qazaxın kəndlərində qaldırıldı