Ən böyük sosial şəbəkə “Facebook” hökumətlərin istfadəçilər haqqında məlumat almaqla bağlı müraciətlərinə dair hesabatını açıqlayıb. Modern.az xarici KİV-ə istinadən bildirir ki, 2013-cü ilin birinci yarısında 74 ölkənin hakim dairələri Facebook-dan 38 min insan haqqında informasiya istəyib.
Hesabata əsasən, açıqlanan rəqəmin yarıdan çoxu ABŞ hökumətinə aiddir. Belə ki, ABŞ 11-12 min sorğu göndərərək 20 min istifadəçi haqqında məlumat istəyib.Facebook bu sorğuların 79%-ni təmin edib.
Sorğuların sayına görə, ikinci yerdə Hindistan gəlir. Facebook Hindistan hökumətinin 3250 sorğusunun yarısını təmin edib.
ABŞ və Hindistandan sonra isə siyahıda ardıcıl olaraq İtaliya, Almaniya və Fransa gəlir.
İsrail Facebook-a 132 istifadəçi barəsində 113 sorğu göndərib və onun 50%-i cavablandırılıb.
Qeyd edək ki, hökumətlərin sorğularını cavablandırmaqda Facebook Google qədər meyilli deyil. Google 2012-ci ildə daxil olan sorğuların 88 %-ni cavablandırıb. Microsoft da 2012-ci ildə daxil olan sorğuları Facebook qədər təmin edib. Twitter isə ötən ilin ikinci yarısında daxil olan sorğulara 67% miqyasında cavab verib.
Elçin MURAD
