Rusiya xarici işlər naziri Sergey Lavrov Şimali Koreyada Kim Çen In ilə görüşüb.
Modern.az xəbər verir ki, bu barədə Rusiya Xarici İşlər Nazirliyi rəsmi məlumat yayıb.
Məlumata görə, görüş 1 saatdan çox davam edib. Lavrov Şimali Koreyanın xarici işlər naziri Ço Son Hui ilə də danışıqlar aparıb.
Görüş zamanı ikitərəfli münasibətlərin inkişafı ilə bağlı cari məsələlər, o cümlədən siyasi təmasların qrafiki ətraflı müzakirə olunub. Hər iki nazir Asiya-Sakit Okean regionunda vəziyyətin gərginləşməsinə səbəb olan ABŞ-ın hegemon ambisiyalarına müqavimət göstərmək əzmində olduqlarını vurğulayıblar.