Milli Şuranın İcra Aparatının rəhbəri Eldar Namazov diplomatik korpus nümayəndələri ilə keçirilən görüşün təfərrüatlarını açıqlayıb. Modern.az-a açıqlama verən E.Namazovun fikrincə, diplomatlara görüşün əsas məqsədinin Milli Şuranın yeni namizədi Cəmil Həsənli ilə tanışlıq və son siyasi prosesləri müzakirə etmək olub.
E.Namazov qeyd edib ki, görüşdə C.Həsənli avropalı dipolamatların suallarını cavablandırıb.
“Bu görüşdə Avropa Birliyinə daxil olan ölkələrin səfirliklərindən, Türkiyə səfirliyindən, ATƏT-dən, siyasət sahəsi üzrə məsul diplomatlar iştirak edirdilər. Görüş Milli Şuranımn İcra Aparatının təşkilatçılığı ilə baş tutub. Görüş Milli Şuranın son qərarı, prezident seçkilərində Milli Şuranın baxışları və Milli Şuranım ehtiyat vahid namizədi Cəmil Həsənli ilə tanışlıq məqsədi daşıyırdı. Cəmil müəllim diplomatlar qarşısında çıxış elədi, onların çoxsaylı suallarını cavablandırdı. Çox maraqlı və hər iki tərəf üçün faydalı görüş oldu”-deyə E,Namazov Modern.az-a açıqlamasında deyib.
Anar RÜSTƏMOV
