Modern.az-ın Yazıçılar Birliyinin ayrı-ayrı zonalarda fəaliyyət göstərən filialları ilə bağlı yazılarına AYB-dən rəsmi rəy gəldi.
Qurumun sözçüsü Ədalət Əsgəroğlu: “Onlar da tərkib hissəmizdir. Biz bir kollektiv hesab olunuruq. Onları özümüzdən ayırmırıq. Fərq etmirik ki, bu yazıçı, ya şair, paytaxtda yaşayır, yoxsa əyalətdə. Filiallar yaradılarkən məsələni həmin bölgənin icra başçısı ilə razılaşdırırıq. Bəzilərini icra hakimiyyəti lazımı otaqla, qərargahla təmin edir. Amma bəzi yerlərdə bu problem yaşanmaqdadır. Amma mənə inanın ki, onlar çox istedadlı insanlardır. Gəncə filialının rəhbəri Məmməd Alim, Qazax filialının rəhbəri Barat Vüsal əməkdar incəsənət xadimləridir. Quba filialının rəhbəri Ramiz Qusarçaylı, Mingəçevirdəki İsmayıl İman çox dəyərli insanlardır. Biz onların problemini öz problemimiz hesab edirik“.Elmin Nuri
