Milli Şuranın prezidentliyə vahid namizədi Cəmil Həsənlinin imzatoplama kampaniyası üçün AXCP və Müsavat rəsmiləri səfərbər edilib.
AXCP-nin Ali Məclisinin sədri Həsən Kərimov Modern.az-a açıqlamasında bildirib ki, AXCP Müsavat partiyasında geri qalmayaraq Cəmil Həsənli üçün 21 min imza toplayacaq.
"Biz artıq imza toplamağa başlamışıq. Rayonlara nümayəndələr seçilib. AXCP olaraq biz də Müsavat partiyası kimi 21 min imza toplayacağıq".
Müsavat rəsmiləri vaxt itirmədən imzaların toplanmasına başlanıb. Partiyanın rayonlara səfər edəcək nümayəndələri təyin edilib.
Qeyd edək ki, prezidentliyə namizəd Cəmil Həsənlinin seçki qərargahının rəhbərləri Arif Hacılı və Həsən Kərimovdur.
Milli Şurada “EL” hərəkatı, ACP, ALP, KXCP kimi siyasi partiyalar təmsil olunsa da Cəmil Həsənlinin namizədliyi üçün lazım olan 40 min imzanın AXCP və Müsavat partiyaları tərəfindən toplanması nəzərdə tutulub.
A.RÜSTƏMOV
