Gəncədə məhkuma məxsus “Kalaşnikov” markalı avtomat tapılıb.
Bu barədə Modern.az-a Ədliyyə Nazirliyi Penitensiar xidmətindən məlumat verilib.
Bildirilib ki, xidmətin əməliyyat aparatı və Daxili İşlər Nazirliyinin əməkdaşları ilə birgə əməliyyat keçirib.
Əməliyyat-axtarış tədbiri nəticəsində 8 saylı cəzaçəkmə müəssisəsində cəza çəkən məhkumun azadlıqda olarkən basdıraraq gizlətdiyi 1 ədəd “Kalaşnikov” markalı avtomat Gəncə şəhərinə girişdə yolun kənarında aşkar edilərək götürülüb.
Faktla bağlı araşdırma aparılır.
