Futbol üzrə Azərbaycan Premyer Liqasında II turdan təxirə salınmış oyun keçirilib.
Modern.az xəbər verir ki, “Sumqayıt” öz meydanında "Sabah"ı qəbul edib.
Qarşılaşma "gənclik şəhəri" təmsilçisinin 1:0 hesablı qələbəsi ilə başa çatıb. Yeganə qolu Kamran Əliyev vurub.
Bununla da xallarının sayını 14-ə çatdıran “Sumqayıt” 6-cı pilləyə yüksəlib. "Sabah" isə 10 xalla 8-ci sırada qərarlaşıb.
