Suriyaya müdaxiləyə hazırlaşan ABŞ-ın ən yaxın müttəfiqi Böyük Britaniya geri addım atıb. Ölkə parlamenti Suriyaya hücumu nəzərdə tutan qanunu rədd edib. Səsvermə zamanı 272 deputat lehinə səs versə də, 285 deputat qanunun əleyhinə çıxıb.
Parlamentarilər qarşısında çıxış edən Britaniya baş naziri Devid Kemeron bildirib ki, çıxarılan qərar əsasında hərəkət edəcəklər. “Mənə aydın oldu ki, Britaniya xalqı Suriyaya qarşı müharibəni istəmir”. Qərara reaksiya verən Ağ Ev rəsmləri isə Suriya məsələsində Amerikanın öz maraqlarında çıxış edəcəyini bildirilib. Pentaqon rəhbəri Çak Heygel əsas müttəfiqlərini itirsələr də, geniş koalisiya qüvvələri yaratmaqda davam edəcəklərini bildirib.Modern.az “The New York Times” qəzetinə istinadən xəbər verir ki, Obama administrasiyası istənilən halda Suriyaya hava zərbələri endirməkdə qərarlıdır. Amerikanın digər önəmli müttəfiqi Fransa isə keçən dəfə Rusiya və Çin nümayəndələrinin iclası yarımçıq tərk etdiyi BMT Təhlükəsizlik Şurasının növbəti iclasının qərarını gözləyəcəklərini bildirib.
Vüqar İsmayılov
