"Lukoil”u yaratmaqla Siz Rusiya və beynəlxalq işgüzar mühitdə əsas fiqurlardan biri oldunuz”. Azərbaycan Baş nazirinin keçmiş birinci müavini, “Milyarderlər ittifaqı” adlandırılan Rusiya Azərbaycan Təşkilatları İttifaqının rəhbəri, “AzerRos” Ağsaqqallar Şurasının sədri Abbas Abbasov “LukOyl” neft şirkətinin azərbaycanlı prezidenti Vahid Ələkbərova ad günü təbrikində qeyd edib.
Modern.az musavat.com-a istinadən bildirir ki, təbrik mətni “AzerRos”un informasiya portalı tərəfindən yayılıb. “Rusiya Azərbaycan Təşkilatları İttifaqı, Rusiya Azərbaycanlılarının Milli-Mədəni Muxtariyyəti, MDB-nin Dinlərarası Şurasının Himayədarlar Komitəsi və şəxsən öz adımdan Sizi ad günü münasibətilə səmimi qəlbdən təbrik edirəm. “LukOyl” şirkətini yaratmaqla və ona başçılıq etməklə Siz Rusiya və beynəlxalq işgüzar mühitdə əsas fiqurlardan birinə çevrildiniz. Sizin prinsipial vətəndaş mövqeyiniz, fəal və təşəbbüskar ictimai fəaliyyətiniz, xeyriyyəçiliyiniz hörmətə layiqdir” -deyə Abbas Abbasovun təbrik mesajında bildirilir.
Vahid Ələkbərov 1 sentyabr 1950-ci ildə Bakının o vaxtkı Razin, indiki Bakıxanov qəsəbəsində anadan olub. Atası Yusif Ələkbərov müsəlman, anası isə rus kazak tayfalarından olan Tatyana Fyodrovna xristiandır. Əmək fəaliyyətinə Məşədi Əzizbəyov adına Azərbaycan Neft və Kimya İnstitutunda (indiki Neft Akademiyası) təhsil aldığı vaxt "Kaspromneft" müəssisəsinin 2 nömrəli mühəndis-texnoloji xidmətində neft və qaz hasilatı üzrə operator kimi başlayan Ələkbərov, SSRİ neft və qaz sənayesi nazirinin müavini, daha sonra nazirin birinici müavini olub.
1991-ci ilin sonunda Perm, Volqoqrad və Majeyski zavodları ilə Lanqenpasneftqaz, Urayneftqaz və Koqalımneftqaz (sonradan bu üç zavodun baş hərfləri "LukOyl" şirkətinin adına çevrildi) arasında müqavilənin imzalanmasına nail olaraq, Rusiyada ilk neft konsernini yaradıb.1993-ci ildən indiyədək "LukOyl" şirkətinə prezidentlik edir. Ələkbərovun sərvəti 11 milyard dollar həcmində qiymətləndirilir.
Modern.az
