Oktyabrın 24-də Turan-Türk Dövlətləri Veteranlar Birliyinin nümayəndə heyəti Qazaxıstana səfəri çərçivəsində Jambıl vilayətinin mərkəzi Taraz şəhərinin veteranları ilə görüşüb.
Modern.az-ın məlumatına görə, Taraz şəhərinin girişində qonaqları veteranlar və şəhər rəsmiləri qarşılayıblar. Sonra qonaqlar Qazax xanlığının yaranmasının 550 illiyinə həsr edilmiş xatirə kompleksini ziyarət ediblər. Kerey xan və Janibek xanın abidələri önündə xatirə şəkili çəkdirilib.
Azərbaycandan Vətən Müharibəsi Veteranları İctimai Birliyinin üzvlərinə və Türkiyə veteranlarına Qazax xanlarının milli geyimləri üslubunda tikilmiş "Çapan" hədiyyə edilib.
"Xanın Qonaq evi"də Turan-Türk Dövlətləri Veteranları Birliyi adından Azərbaycan, Türkiyə, Qazaxıstan veteranları şərəfinə ziyafət verilib.
