"ABŞ-da Dəməşqdə baş verən ölümcül hücumda sarin sinir qazının istifadə olunması barədə sübutlar var". Bunu ABŞ-ın dövlət katibi Con Kerri deyib.
BBC-nin məlumatına görə, Con Kerri deyib ki, avqustun 21-də baş verən hücumdan sonra götürülən saç və qan örnəklərində sarin qazının əlaməti təsdiqlənib.
ABŞ prezidenti Barak Obama Suriyaya qarşı cəza hücumu vəd edib, amma bundan əvvəl Konqresin məsələ ilə bağlı səs verməsini istəyir.
Suriya hər hansı hücuma hazır olduğunu bəyan edərək ləngiməni rədd edib.
BMT müfəttişləri bir neçə halda kimyəvi silahın işlədilməsi barədə iddiaları araşdırmaq məqsədilə Suriyada sübut yığıblar.
Ən böyük və ən çoxsaylı ölümlərdə nəticələnən hücum avqustun 21-də paytaxt Dəməşqin şərqində baş verib. ABŞ tərəfi məlumat verib ki, 1400-dən çox adam öldürülüb. Onlardan 426 nəfər uşaqdır
Vaşinqton deyir ki, bu cür hücumu həyata keçirməyə yalnız Suriya hökümətinin gücü var. Con Kerri işarə edib ki, ABŞ-da olan sübutları BMT müfəttişləri deyil, öz mənbələri təmin edib. O, həmçinin deyib ki, Konqresin ABŞ-ın Suriyaya qarşı hücum etməsinə təsdiq verəcəyinə arxayındır.
Suriyanın xarici işlər nazirinin müavini Faisal Mekdad deyib ki, Barak Obamanın Konqresin səsverməsini gözləmək haqqında qərarı sadəcə "siyasət və media manevri"dir.
O deyib ki, Suriya hər hansı hücuma hazırdır.
Modern.az
