Gürcüstanın baş naziri Bidzina İvanişvili xarici ölkə səfirləri ilə görüş keçirib. Modern.az-ın gürcü KİV-lərinə istinadən verdiyi məlumata görə, baş nazirlə görüşdə Azərbaycan səfiri Azər Hüseyn də iştirak edib.
İvanişvili diplomatlar qarşısında qonşuluq münasibətlərindən söz açıb. Bildirib ki, rəsmi Tiflis Azərbaycan, Türkiyə və Ermənistanla qarşılıqlı əlaqələrini davam edirmək niyyətindədir.
İvanişvili xüsusilə Azərbaycan səfirinə üz tutaraq ölkələrarası münasibətlərin müsbət istiqamətdə davam etdirilməsi üçün əlindən gələni etməyə çağırıb:
“Gürcüstan yaxın qonşuları üçün qarşılıqlı fayda verən məkana çevilməlidir. İstər siyasi, istərsə də iqtisadi cəhətdən. Bizim üçün əsas məsələ yaxın qonşularla olan münasibətlərdir. O cümlədən Azərbaycan, Türkiyə və Ermənistanla münasibətlər xüsusi üstünlük veririk. Onların liderləri ilə dostluq münasibətlərimiz var. Bu da məni sevindirir. Hər birinizi ölkəmizlə xoş qonşuluq münasibətlərini inkişaf etdirməyə çağırıram”-deyə baş nazir səfirlərə çağırışından deyib.
Anar RÜSTƏMOV
