Azərbaycanın ilk mobil operatoru “Bakcell” şirkətinin “Futbol Bakcell”lə proqramı cərçivəsində Bakıda təşkil olunan “Mançester Yunated”in yay futbol məktəbinin yekunları bəlli olub. Belə ki, 24-28 iyun 2013 tarixində Bakıda Azərbaycan Futbol Federasiyaları Assosiasiyasının dəstəyi ilə “Bakcell”in dəstəyi ilə keçirilən təlim-məşqin ən yaxşıları Mançester səfərindən geri dönüb.
Qeyd edək ki, məktəbin seçilmiş turları Bakı və Azərbaycanın bir sıra regionlarından (Gəncə, Lənkəran, Sumqayıt) təşkil edilmişdi. Təlim-məşq toplanışının nəticələrinə uyğun seçilən 6 gənc istedad Samir Məhərrəmli, Turan Vəlizadə, Zeynaləddin Aburrahmanov, Tamerlan Rizvanov, Xəyal Əliyev və Nigar Mirzəliyeva Mançester şəhərinə səfər edib. Avqustun 10-dan etibarən gənc futbolçular Mançeter Futbol Akademiyasının Donston kollecində keçirilən təlim –məşq toplanışına qatılıb. Eyni zamanda gənc istedadlılar İngiltərədə “Mançester Yunated” və “Çelsi” komandalarının oyunlarını izləyiblər. Avqustun 28-də Mançester səfərindən geri dönən qrup “Bakcell”in baş ofisini ziyarət edib, şirkətin əməkdaşları ilə görüşüb xatirə şəkli çəkdiriblər.“Bakcell”in baş marketinq direktoru Aynur Abjanova şirkətin Azərbaycan futbolunun inkişafına, xüsusilə gənc istedadlılar və onların gələcəyinə sərmayə qoyulmasına böyük diqqət ayırdığını qeyd edib. Maraqlı məqam isə ondan ibarətdir ki, 32 nəfər arasından seçilmiş 6 uşağın heç biri Bakıdan deyil. Qrupun yeganə xanım üzvü Nigar Mirzəliyeva avqustun 3-dən 10-dək Mançesterdə yeniyetmə qız futbolçular üçün təşkil olunan təlim-məşq toplanışına qatılıb.
Abbas Qəmli
